Plateruena

Ez da eskela bat, ez da epitafioa, ez da errepide alboan, poste batean zinta amerikanoarekin lotutako plastikozko lore sortako txartelaren testua, ez da oroigarri nostalgiko bat, ez da gehiegikeriaz jositako laudorio ohar bat. Ez, ez da, horrelako ezer. Ez da penak kargatutako aitorpen bat, ez du inor kontsolatzeko asmorik, idazteak ez du kontzientzia garbitzeko puntu baliagarririk gehitzen, ez du inongo intentzio onik, ez txarrik,… ezta erdipurdikorik ere.

Konformista? Agian… Ez da kexa azaltzeko modu bat, ez da aldarria, ez du inoren kontzientzian inongo eraginik edukiko, ez du denboraren joana itzularaziko, ez du atsekabearen apologia egin eta sufizientzia apur batez betetako “esan nizuen nik” perfektu horietako bat utziko mahai gainean. Ez du gogoaren alde batetik bestera harrokeriarik barreiatuko. Ez da mitin batean erabiliko. Ez da prentsako titular izango, ez du inork kantu baten lelo bihurtuko.

Ez du inor suminduko, piztuko, haserretuko, gogaituko. Ez delako sermoia, ez delako egia, ez delako errealitate-kolpeen pean lortutako aitortza, ez delako testamentua, ezta antzeko beste edozein dokumentu ofizial ere. Ez da arimarekin zer egin oso ongi ez dakien notario batek jasotako akta, ezta heriotza-agiri baten fotokopia edo etorkizun-igarleren baten kondena saihestezina. Ez da horrelako ezer. Eskerrak emateko modu bat baino ez du izan nahi testu honek. Mila esker Plateruena bultzatu, hornitu, jantzi, landu, posible egin duzuen guztioi, eta xuxurlu goxo bat belarrira sortzen, loratzen, heltzen eta zimeltzen hurbiletik ikusteko adorea eduki duzuenei.

GARA 2020/10/15

Kategoriak Gara, Musika | Etiketak , , | Utzi iruzkina

Iraileko kantu-zerrenda

Urria jada erditik pasata, baina, sekula berandu ez delakoan, hemen duzue iraileko kantu-zerrenda.

Jaitsi kantuok

Kategoriak Kantu-zerrendak | Etiketak , , , | Utzi iruzkina

Gora herria!

Lotsatuta nabil, Arantxak eta Nekanek, arrazoiz nire, beno… gure, jarrera utzia eta axolagabearen gainean kargu hartu ondoren. Askoz ere gehiago espero zuten gugandik, herri xehearengandik, ataka zail honetan… Ai Nekane, ai Arantxa, zenbat topiko ez ote zaizkizue krasketako handi batez jauzi euskal autonomia erkidegoko biztanleen gainean? Ardurak hartzeko gure gaitasun mugagabeaz. Egoera zailenetan aurrera egiteko trebeziaz. Eta zer esanik ez, emandako konfiantza 10 aldiz biderkatuta itzultzeko eskuzabaltasunaz. Non ote da eskatutakoa espero baina askoz ere hobeto egiteko, bardo guztiek goraipatutako euskaldunon trebezia milenarista?

Populuak ez du, ordea, beti egoki erantzuten; arlotekeria eta azalkeria ditu nagusi, epelkeria eta arduragabekeria arau, insubordinazioa eta errespetu falta lege. Ez, orain badakizue, herritarrak ez gara zintzoak. Gaixo Nekane, gaixo Arantxa, bakarrik une lazgarri hauetan, ahalegin betean, dena gure hobe beharrez egiten, egoerari behar bezala erantzuten ardurarik hartu ez, eta eskatu, eskatu, eskatu baino egiten ez duten herritar berekoien hordez inguratuta.

Horregatik nabil lotsatuta, ezin eraman hain jende jatorraren itxaropen eta uste intimoenen leherketaren erantzuleetako bat izatea. Ulerkorregiak izan zarete, ez zaituztegu merezi, ez dakit nola jarraitzen duzuen aurrera. Prest nago merezitako penitentzia eta zigorrak jasateko, baina emaguzue azken aukera bat, mesedez. Orain badakit eta; lan egiten duen herria ez da inoiz kutsatuko, gora herria.

GARA 2020/08/30

Kategoriak Gara, Musika | Etiketak , , | Utzi iruzkina

Uztaileko kantu-zerrenda

Ez-festaren uda honen eragina izango da, baina, orain begiratuta, aspaldiko kantu-zerrendarik dantzagarriena gertatu da uztailekoa. Nahigabe gertatu da, nolanahi ere, zorteak gidatzen ditu zerrenda hauek.

Gainera, berrikuntza bat, oso legearen kontrakoa izango da, baina uste dut ez dela inorentzat kaltegarria kantu-zerrenda deskargatzeko moduan jartzea. Artista bakoitzaren kantu bana baino ez, zer da hori,  Spotifyren patrika beroarentzat?

Jaitsi zerrenda
Icons made by Pixel perfect from www.flaticon.com
Kategoriak Kantu-zerrendak | Etiketak , | Utzi iruzkina

Hileta ala festa

Galeria honek argazki 1 du.

Diskoetxeak (diskoetxe bezala) desagertu egin direla zioen Anjel Valdesek duela ez asko egindako elkarrizketan, eta ez dakit poztu ala tristatu. Ikuspuntu kontua, zalantzarik gabe, baina, egia da, berari ere ez zitzaiola nostalgia handirik nabaritzen. Musikarena tragikomedia da! Baina, Valdesek esan … Jarraitu irakurtzen

Galeria gehiago | Utzi iruzkina

Aspaldiko partez…

Galeria honek argazki 1 du.

Galeria gehiago | Utzi iruzkina

Euskal kantagintza berriaren historia Bakion

Galeria honek argazki 1 du.

Aspaldi ez nuela “ematen” euskal kantagintzaren gaineko aurkezpen/hitzaldi/kantaldi/multimedia. Baziren, gutxienez, hiruzpalau urte. Baietz esan nien eta har joan nintzen Bakiora, bertako berbalagunak taldeak antolatutako ekitaldira. Jende eraginkorra denez, lana kendu eta haien blogean dago ekitaldiko kronika zehatza. Beraz, neuk gehitzeko … Jarraitu irakurtzen

Galeria gehiago | Utzi iruzkina

Teknikariak

Galeria honek argazki 1 du.

Joan den egunean argazki bat ikusi nuen prentsan, hamarnaka lagun, beltzez jantzita, bisaje serioa eta jarrera irmoa erakusten duten keinuak kamaran aurrean. Ez ziren musikariak, ez ziren musikazaleak edo groupie sutsuak bere haserrea adierazten. Ez al duzue asmatu? Beltzez jantzita, … Jarraitu irakurtzen

Galeria gehiago | Utzi iruzkina

Telelana

Galeria honek argazki 1 du.

Jarraitzen dudan ohiko termometro sozialari jaramon eginez gero; tabernan, kalean, garraio-publikoan, dendan… eskapuan harrapatzen ditudan elkarrizketa zatietatik ondorioztatzen ditudanak, hain zuzen ere, uste dut telelanak hartu duela laugarren postua pertsonei eragiten diguten plaga nagusien zerrendan. Lan egitearen, zergak ordaindu beharraren … Jarraitu irakurtzen

Galeria gehiago | Utzi iruzkina

Ekaineko kantu-zerrenda

Hauxe da ekainekoa, on-egin!

Kategoriak Musika, Uncategorized | Etiketak , , , , | Utzi iruzkina