Azken txikiteroaren ideologia-lezioa

(Ardoarenak 33) Desagertzeko zorian den arraza mitikoari, inongo gorazarre asmorik gabe, baina nostalgia apur batekin, egindako aipamen gisara uler daiteke hurrengo testua, eta, zer demonio, halaxe da.

Teoriak ez du balio
 
edaten ikasi beharra dago
eta ez dago
ardo txarrik pobrearentzat
 
zapata onak
 
ez zaitzaten bizitzak
eta haren mikatzak
taberna berean harrapa
 
baxoerdia
 
tamainak ez du ontzen
txarra dena
sekula
 
usteak
 
egarririk
ankerrena
edateko gogo-falta da
 
berrikuntzak
 
asmo batekin
istripua eduki
eta ezin onik atera
 
egutegia
 
noiz aldatu zuten
azkenez
tabernaria
 
hondamendi apalak
 
barra ez da 
kataklismoentzako
lubakirik txarrena
 
anestesia
 
badira ardoa baino
botika okerragoak
 
alajaina
 
 
Kategoria: Ardoarenak Etiketak , , , . Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude